Hysbysiad preifatrwydd

Mae'r hysbysiad preifatrwydd yma yn dweud wrthoch chi sut mae'r Unedau Troseddau Cyfundrefnol Rhanbarthol (ROCUs) o dan Gyngor Cenedlaethol Penaethiaid yr Heddlu (NPCC) yn sicrhau, yn cadw, yn defnyddio ac yn datgelu data personol. Mae'n disgrifio'r camau rydyn ni’n eu cymryd i sicrhau bod data'n cael ei ddiogelu, a'ch hawliau chi i wybod, gweld a herio sut mae’ch data’n cael ei ddefnyddio.

Nid yw'n cynnwys gwybodaeth am sut mae'ch heddlu lleol yn defnyddio data personol, ond gallwch ddod o hyd i hysbysiadau preifatrwydd tebyg ar eu gwefannau nhw, gyda chanllawiau ar sut i arfer eich hawliau trwyddyn nhw.

Mae’r Ddeddf Diogelu Data yn nodi wyth egwyddor ar gyfer sicrhau, cofnodi, defnyddio a diogelu gwybodaeth bersonol yn deg ac yn gyfreithlon. Mae'r ddeddf yn gweithio mewn dwy ffordd;

1. mae'n rhoi hawliau penodol i chi, fel unigolyn
2. mae'n sicrhau ein bod ni, fel sefydliad, yn agored ynglŷn â sut mae'r wybodaeth yn cael ei storio a'i defnyddio.

Nodir isod yr egwyddorion rydyn ni’n eu defnyddio wrth drin gwybodaeth bersonol. 

• Rydyn ni’n casglu ac yn defnyddio gwybodaeth bersonol er mwyn cyflawni’n swyddogaethau cyfreithiol a dilys. Mae'r rhain wedi’u diffinio mewn deddfwriaeth, yn y gyfraith gyffredin ac yn yr arferion gorau.
  
  
• Byddwn yn defnyddio'r wybodaeth rydyn ni’n ei chasglu;
  
  
  • i atal ac erlyn troseddwyr
  • i amddiffyn bywyd ac eiddo
  • i gynnal cyfraith a threfn
  • i roi cymorth i aelodau o'r cyhoedd
  • efallai y byddwn yn defnyddio’ch gwybodaeth bersonol i’n helpu i werthuso’n perfformiad a'n heffeithiolrwydd a gallwn gysylltu â chi i ofyn ichi roi eich barn inni ar y gwasanaethau rydyn ni’n eu darparu. Byddwn yn defnyddio'r wybodaeth rydych chi'n ei darparu i wella’n gwasanaethau lle bynnag y bo modd
  • lle bo'n bosibl ac yn briodol, cewch eich hysbysu o'r rheswm pam rydyn ni’n cadw’ch gwybodaeth bersonol. Gall gwybodaeth bersonol gael ei chadw heb eich gwybodaeth neu’ch cydsyniad, pan fydd hynny’n angenrheidiol at ddibenion megis atal neu ganfod trosedd, erlyn neu ddal troseddwyr, diogelwch gwladol a diogelwch y cyhoedd
  • mae'r holl wybodaeth bersonol rydyn ni’n ei thrin yn cyd-fynd â'r Ddeddf Diogelu Data
  • at ddibenion plismona a dibenion cysylltiedig yn unig y byddwn ni’n casglu ac yn defnyddio gwybodaeth. Ni fyddwn yn defnyddio nac yn datgelu’ch gwybodaeth at unrhyw ddibenion eraill heb eich cydsyniad oni bai ei bod yn ofynnol inni wneud hynny yn ôl y gyfraith neu ei bod er lles y cyhoedd inni wneud hynny
  • efallai y byddwn yn rhoi gwybodaeth i asiantau neu gontractwyr fel y gallan nhw ddarparu'r cyfleusterau mae arnon ni eu hangen. Mewn achosion o'r fath, bydd contractau cyfreithiol rwymol sy'n ymdrin â defnydd a diogelwch eich gwybodaeth yn cael eu rhoi ar waith
  • dim ond pan fo’n gyfreithlon gwneud hynny, ac ar ôl ystyried eich hawliau chi, y byddwn yn rhannu gwybodaeth bersonol
  • rydyn ni’n cymryd gofal mawr i sicrhau bod yr wybodaeth sydd gennym yn gywir, yn cael ei diweddaru, ac yn cael ei dinistrio pan nad oes ei hangen mwyach
  • rydyn ni’n defnyddio amryw o fesurau corfforol, technegol a gweithdrefnol i ddiogelu gwybodaeth bersonol rhag cael ei datgelu, ei cholli neu ei llygru heb awdurdod neu drwy ddamwain.
  • mae’n staff ni wedi'u hyfforddi yn y gweithdrefnau a'r polisïau priodol ar gyfer trin gwybodaeth bersonol yn gywir
  • byddwn ni fel arfer yn darparu copi o unrhyw wybodaeth sydd gennym amdanoch pan fyddwch yn gofyn amdani. Os ydych chi’n credu bod yr wybodaeth sydd gennym yn anghywir neu'n gamarweiniol, bydd yn cael ei gwirio a'i chywiro os yw'n briodol
  • os ydych chi’n anfodlon â'r ffordd rydyn ni wedi ymdrin â'ch gwybodaeth bersonol, gallwch gwyno i'n Swyddog Diogelu Data neu’n Hadran Safonau Proffesiynol
  • rydyn ni’n cadw'r hawl i gasglu gwybodaeth sy'n ymwneud â defnyddio'r wefan. Mae unrhyw wybodaeth sy’n cael ei chasglu yn cael ei chasglu at ddibenion mewnol yn bennaf a hynny i’n galluogi i fireinio a gwella'r gwasanaeth rydyn ni’n ei ddarparu
  • mae'r wefan yma yn cynnwys dolenni i wefannau eraill nad ydyn nhw’n perthyn i ni nac yn cael eu gweithredu gennyn ni ac felly, nid ni sy’n gyfrifol am eu cynnwys neu eu harferion preifatrwydd
  • drwy barhau i ddefnyddio'r wefan yma, bernir eich bod yn deall cynnwys y datganiad yma ac yn cytuno ag ef
  • ni ddylai plant dan 16 oed gyflwyno unrhyw wybodaeth i unrhyw wefan heb gydsyniad rhiant neu ofalwr ymlaen llaw.

Mae gwybodaeth a ddarperir i'n gwefan trwy ffurflenni cyswllt yn cael ei thrin yn gyfrinachol ac ni fyddwn yn datgelu unrhyw wybodaeth i drydydd parti, oni bai bod gofyn inni wneud hynny yn unol â Deddf Diogelu Data 2018.

Sut rydyn ni’n defnyddio cwcis

Mae cwcis yn cael eu defnyddio ar y wefan yma i wella profiad y defnyddiwr ac ar gyfer swyddogaethau hanfodol: dydyn nhw ddim yn cael eu defnyddio at ddibenion adnabod.

Rhagor o wybodaeth am sut rydyn ni’n defnyddio cwcis.

Ein rheolwr data

Pan fydd yr NPCC yn penderfynu pam a sut mae data personol, yn cael ei ddefnyddio, mae’n 'rheolwr' ar y data hwnnw ac mae'n ofynnol iddo sicrhau ei fod yn trin y data yn unol â'r gyfraith. Mae'r NPCC yn cymryd y cyfrifoldeb hwn o ddifrif ac yn cymryd gofal mawr i sicrhau bod eich data personol yn cael ei brosesu'n briodol er mwyn cynnal ymddiriedaeth a hyder y cyhoedd yn yr heddlu.

Gallwch gysylltu â’r NPCC yma:

50 Broadway
London
SW1H 0BL
United Kingdom

Ebost: [email protected]

Gallwch hefyd gysylltu â Swyddog Diogelu Data yr NPCC yn uniongyrchol: [email protected].

Ceisiadau rhyddid gwybodaeth

O ran ceisiadau am wybodaeth gan heddluoedd lleol, gallwch ddod o hyd i'w manylion cysylltu nhw at ddibenion Rhyddid Gwybodaeth drwy ddilyn dolenni ar wefan heddluoedd y Deyrnas Unedig.

Os ydych chi wedi archwilio gwefan yr NPCC ac os hoffech gyflwyno Cais Rhyddid Gwybodaeth am wybodaeth ynglŷn â busnes yr NPCC, ACRO neu’r Unedau Heddlu Cenedlaethol, gallwch gysylltu â Swyddog Rhyddid Gwybodaeth yr NPCC yma: [email protected].

Codi pryder

Swyddfa'r Comisiynydd Gwybodaeth (ICO) yw'r awdurdod annibynnol sy'n gyfrifol yn y Deyrnas Unedig am sicrhau ein bod yn cydymffurfio â’r ddeddfwriaeth diogelu data. Mae rhagor o wybodaeth am yr ICO a'ch hawliau chi ar gael ar wefan yr ICO.

Mae gennych chi hawl i ofyn i'r ICO ymchwilio i bryder sydd gennych ynglŷn ag unrhyw sefydliad sydd yn trin, neu a allai fod yn trin, eich data personol. Er enghraifft, efallai y byddwch yn pryderu bod eich data wedi'i ddefnyddio'n anghyfreithlon, ei fod wedi'i ddal yn ôl oddi wrthoch chi, neu nad yw rheolwr sydd heb sail gyfreithlon i ddefnyddio'ch data wedi ei ddileu pan ofynnwyd iddo wneud hynny. Mae gan yr ICO bwerau i archwilio'r hyn sydd gennym a phenderfynu a ydyn ni wedi gweithredu'n gyfreithlon ai peidio. Mae ganddyn nhw bwerau i orchymyn camau unioni ac i orfodi data personol i gael ei drin yn gyfreithlon.

Os ydych chi’n anfodlon ag ymateb gan yr NPCC, rydyn ni’n gofyn yn barchus ichi gyflwyno’ch cwyn i ni yn gyntaf a byddwn ni’n ceisio datrys y broblem neu esbonio pam rydyn ni’n credu bod ein gweithredoedd yn gyfreithlon. Fydd gwneud hyn ddim yn effeithio ar eich hawliau a gallwch ddewis siarad â'r ICO unrhyw bryd.

Os na allwn ni ddatrys problem er boddhad ichi, byddwn bob amser yn eich atgoffa y gallwch fynd â'ch pryderon at yr ICO i gael penderfyniad annibynnol.

Swyddfa'r Comisiynydd Gwybodaeth
Wycliffe House
Wilmslow
Cheshire
SK9 5AF

Ebost: [email protected]

Ffôn: 0303 123 1113

Newidiadau yn ein hysbysiad preifatrwydd

Rydyn ni’n adolygu’n hysbysiad preifatrwydd yn rheolaidd. Y tro diwethaf i’r hysbysiad preifatrwydd hwn gael ei ddiweddaru oedd mis Tachwedd 2023.