Rhwydwaith Deallusrwydd Asiantaethau’r Llywodraeth (GAIN)

Mae Rhwydwaith Deallusrwydd Asiantaethau’r Llywodraeth (GAIN) yn gydweithrediad rhwng partneriaid gorfodi'r gyfraith ac ystod eang o wahanol asiantaethau a phartneriaid i’r llywodraeth sydd â’r prif amcan o weithio mewn partneriaeth i fynd i'r afael â'r bygythiad a'r niwed a achosir i gymunedau gan y rhai sy'n ymwneud â throseddau difrifol a chyfundrefnol.

Drwy gydweithio rydym yn defnyddio’n dylanwad ar y cyd i darfu ar droseddu drwy rannu deallusrwydd, cyfnewid gwybodaeth a chydweithredu gan ddefnyddio'r holl bwerau a’r holl drosolion sydd ar gael i asiantaethau gorfodi'r gyfraith a rheoleiddwyr mewn dull sy’n defnyddio un system gyfan.

Wrth galon y gweithgaredd hwn mae yna gydlynydd GAIN Rhanbarthol. Mae pob rhanbarth (ledled Cymru a Lloegr) yn cael ei gynrychioli gan gydlynydd sy'n gweithio'n agos gyda'r Unedau Troseddau Cyfundrefnol Rhanbarthol (ROCUs), yr heddluoedd cyfansoddol ac asiantaethau partner i adnabod a chydlynu cyfleoedd ar gyfer gwaith aml-asiantaeth a gwaith tarfu.

Mae’r gweithgareddau hyn yn cael eu cefnogi gan ganolfan Deallusrwydd Cenedlaethol GAIN sy'n cynnig porth hanfodol ar gyfer rhannu deallusrwydd rhwng yr holl aelodau sy'n cynnwys, ymhlith llawer o rai eraill, yr Asiantaeth Troseddu Cenedlaethol, yr Adran Gwaith a Phensiynau, Cyllid a Thollau EF, Llu’r Ffiniau, Adran Fewnfudo’r Swyddfa Gartref, Safonau Masnach Cenedlaethol, Gwasanaeth Carchardai a Phrawf EF ac Asiantaeth yr Amgylchedd.

Darperir y cyfeiriad strategol a'r llywodraethiant ar gyfer y rhwydwaith gan fwrdd Gweithredol GAIN, dan gadeiryddiaeth arweinydd ROCUs Cyngor Cenedlaethol yr Heddlu (NPCC), y dirprwy arweinydd ar gyfer Portffolio Troseddau Difrifol a Chyfundrefnol yr NPCC, sef Dirprwy Brif Gwnstabl Heddlu Swydd Bedford, Rodenhurst, ac uwch gynrychiolwyr o nifer o'r asiantaethau partner sy'n cyfarfod yn aml i adolygu’n cynnydd a gosod ein blaenoriaethau.

Mae GAIN yn arf hanfodol yn y frwydr yn erbyn troseddau difrifol a chyfundrefnol: drwy gydweithio gallwn ddeall y bygythiadau yn well ac mae gennym fwy o allu i darfu ar y rhai sy'n ymwneud â'r math hwn o droseddu.

Mae GAIN wedi ymrwymo i atal a thorri crib y rhai sydd mewn perygl o gymryd rhan mewn troseddau difrifol a chyfundrefnol drwy ddarparu addysg a chymorth; amddiffyn pobl a chymunedau rhag niwed drwy darfu’n ddi-baid ac amddiffyn y rhai sy'n agored i niwed drwy adeiladu'r lefelau uchaf o amddiffyn a gwytnwch. Byddwn yn defnyddio’n holl ymdrechion ar y cyd i sicrhau y bydd y rhai sy'n cymryd rhan yn cael eu dwyn o flaen eu gwell a byddwn yn atafaelu unrhyw asedau a sicrhawyd drwy droseddu ar draws ein priod ranbarthau.