Cafodd Tarian ei ffurfio yn 2003, ac mae'n cael ei ariannu gan y Swyddfa Gartref, Llywodraeth Cymru a'r tri Heddlu yn y De: Heddlu De Cymru, Heddlu Gwent a Heddlu Dyfed-Powys. Mae Tarian yn dîm amlddisgyblaeth sy'n cynnwys swyddogion a staff heddlu a staff sy'n cael eu secondio o'r tri heddlu. Heddlu De Cymru yw arweinydd y rhanbarth.

Ble rydyn ni’n gweithredu

Mae Tarian yn gweithredu ar draws Sir Fynwy, Blaenau Gwent, Caerffili, Casnewydd, Caerdydd, Rhondda Cynon Taf, Bro Morgannwg, Pen-y-bont ar Ogwr, Castell-nedd Port Talbot, Abertawe, Sir Gaerfyrddin, Sir Benfro, Ceredigion a Phowys.

Mae 17 o unedau a galluoedd arbenigol, ac mae'r timau o fewn Tarian wedi'u neilltuo i darfu ar Grwpiau Troseddau Cyfundrefnol Difrifol ar draws y rhanbarth a datgymalu’r grwpiau hynny.

Cysylltu â ni

Gallwch gysylltu â swyddfa'r wasg yn Tarian drwy’r ebost.