Gogledd-ddwyrain Lloegr (NEROCU)

Cafodd Uned Troseddau Cyfundrefnol Ranbarthol Gogledd-ddwyrain Lloegr (NEROCU) ei sefydlu ym mis Hydref 2013. Mae'n gydweithrediad rhwng tri heddlu, sef Northumbria, Cleveland a Durham.

Ein gwaith ni

Mae NEROCU yn darparu mwy o ymateb i fynd i'r afael â throseddau difrifol a chyfundrefnol sy'n pontio ffiniau'r heddluoedd yn y rhanbarth. Rydym yn darparu capasiti arbenigol ychwanegol drwy weithio a chydweithio mewn partneriaeth effeithiol.

Mae'r uned yn cynnwys sawl tîm arbenigol iawn o swyddogion a staff o'r tri Heddlu. Maen nhw'n gweithio gyda phartneriaid eraill i ymdrin â phob un o’r pedwar maes yn strategaeth CONTEST y Llywodraeth – Diogelu, Paratoi, Atal, ac Ymlid.

Mae hyn yn darparu capasiti a gwytnwch ychwanegol ar gyfer y rhanbarth, gan ganiatáu i bob math o dactegau plismona cudd gael eu defnyddio ar draws y ffiniau ac yn erbyn troseddwyr cyfundrefnol sydd â chymhellion cryf, yn ogystal â darparu cymorth arbenigol i'r tri heddlu.

Ein cenhadaeth ni

Mae cenhadaeth yr uned yn syml – amddiffyn cymunedau Cleveland, Durham a Northumbria rhag troseddau difrifol a chyfundrefnol. Mae'n rhoi pwyslais ar atal, erlyn a t harfu ar droseddau difrifol a chyfundrefnol gan sicrhau dull cenedlaethol cydgysylltiedig ar draws y Llywodraeth, asiantaethau gorfodi'r gyfraith, diogelwch ac asiantaethau cudd-wybodaeth.

Cysylltu â ni

Gallwch gysylltu â swyddfa'r wasg yn NEROCU drwy’r ebost.